رفعت الأسد مجرم وسارق بلا حساب
رفعت الأسد قتل الآلاف وسرق الملايين يعود سوريا هارباً من القضاء الأوروبي
شارك رفعت الأسد ب 3 انقلابات الأول كان انقلاب 8 آذار عام 1963 والتاني كان انقلاب 23 شباط 1966. والتالت مع شقيقو حافظ الأسد 16 تشرين الثاني 1970.
رفعت الأسد حاول كمان الانقلاب على أخيو ابن أمو وأبوه في نيسان 1984 بس كانت أمو الها الدور في ايقافو. (قصة محاولة الانقلاب)
بهداك التاريخ لازم نتذكر مقولتو الشهيرة اللي قالها لجنودو وأنصارو: "إن دمشق ستكون حلالاً ذلالاً لكم في مدة ثلاثة أيام بلياليها وبعدها لا يجوز أن يظل فقير واحد في سرايا الدفاع وإذا طلب بعدها جندي أو ضابط المساعدة المالية ستقطع يده".
رفعت الأسد هو المسؤول المباشر عن مجازر حماه اللي صارت بـ 2 شباط عام 1982 واللي كان عدد ضحاياها عشرات الآلاف بعد تمرد عشرات من الأخوان المسلمين بالمدينة، وهو كمان المسؤول المباشر عن مجزرة سجن تدمر بـ 27 حزيران عام 1980 واللي راح ضحيتها مئات السجناء ووصفت بإبادة جماعية للسجناء اللي كان غالبيتهن عناصر منتمين للأخوان المسلمين.
قبل هروبو من سوريا أو نفيو من طرف أخوه بعد محاولتو الانقلاب عليه سرق مليارات الدولارات من البنك المركزي السوري وسبب انهيار العملة السورية وقتها، طبعا أخوه حافظ غض النظر عنو وسمحلو يطلع بهدوء.
انتقل لأوروبا ليعيش بنمط حياة فاره دون مصدر دخل واضح، وهاد خلى منظمة "الشفافية العالمية" ومجموعة "Sherpa" الفرنسية، عام 2014 ترفع شكوى اتهموه باستخدام شركات خارجية لغسل الأموال العامة من سوريا وفرنسا.
بدأت التحقيقات الفرنسية بحقو عام 2014، وتقدمت التهم الأولى عام 2016، مع توجيه قاضي التحقيق اتهامات الو بغسيل الأموال واستغلال الأموال العامة، للحصول على ممتلكاتو اللي وصلت لقيمة 90 مليون يورو في فرنسا، اللي تم حجزها مع بيتو اللي بتبلغ قيمتو 20 مليون يورو في الممكلة المتحدة.
ما حضر رفعت الأسد جلسات المحاكمة لأسباب طبية حسب محامينو، وعددت القاضية قائمة بالشركات المرتبطة فيه، في جبل طارق وليتشينشتاين ولوكسمبورغ، وأشارت لأنو أغلب المحاكمة رح تكون حول ظروف نفيه من سوريا، وصداقته مع الملك السعودي عبد الله، الي توفي عام 2015.
وقالت رئيسة مجموعة “Sherpa” الفرنسية، فرانسيلين ليباني، في لقاء مع "Associated Press": "من المهم، نظراً للسياق الحالي، كشف مصدر الثروة لأننا نعتقد أنها كانت على حساب المدنيين في سوريا".
رفعت الأسد أو جزار حماة، تصالح مع ابن أخوه وتم ترتيب صفقة هرب جديدة هلمرة بالاتجاه العكسي لسوريا لأنو المحاكم بفرنسا واسبانيا ما رج ترحمو، ولليوم ما تجرأ حدا على رفع دعوة وحدة بحق سارق البنك المركزي السوري، ولحد الآن ما تمت محاكمتو على جرائم الحرب اللي ارتكبها واللي راح ضحيتها عشرات آلاف المدنيين.
ليست هناك تعليقات:
إرسال تعليق