بطرس البستاني المعلم الأول
المعلم بطرس أول من نادى للأمة السورية مؤلف أول موسوعة عربية وأهم معاجمها
بطرس البستاني أو المعلم بطرس من مواليد قريبة دبية بقضاء الشوف بجبل لبنان 1 أيار عام 1819.
عائلة البستاني هي عيلة مارونية مشهورة بثقافتها أصلها من جبلة، بطرس تلقى تعليمو بضيعتو، وبعام 1940 انتقل لبيروت واشتغل مع مبعوثين أمريكيين ليعلمهن العربي ويترجم الهن كتب، واستعانو فيه بإدارة الأعمال بمطبعتهن، وبعام 1860 تعين في القنصلية الأمريكية ببيروت.
كان بطرس البستاني شديد الوطنية وعندو غيرة كبيرة على وطنو سوريا، فأسس جريدة "نفير سوريا" وتعتبر أول جريدة وطنية هادفة بسوريا.
عام 1863 أسس "المدرسة الوطنية" الشهيرة كانت أول مدرسة وطنية عالية فكان يجيها الطلاب من مختلف الطرائف ومختلف المناطق بسوريا الطبيعية، وحتى من خارج سوريا بسبب مستوى التعليم العالي اللي فيها اللي بعتمد على 3 لغات العربية والانكليزية والفرنسية.
أنشأ مع ابنو الكبير سليم أربع جرايد غير نفير سوريا وهي: الجنان، والجنة، والجنينة، وكانت كلها جرايد سياسية، وتجارية، وأدبية منها أسبوعية ومنها يومية.
أعظم أثاره على الإطلاق هي دائرة المعارف اللي عرفها بقوله "إنها قاموس عام لكل فن ومطلب". وصدر منها في حياته 6 أجزاء، وبعد وفاته 5 أجزاء، واشتغل فيها أولادو وخاصة سليم ونسيبو سليمان خطار البستاني وتوقف العمل قبل ما يكمل المشروع وتعد هي الموسوعة أول موسوعة وطنية قائمة على المنهج الحديث في التأليف.
ألف بطرس البستاني معجم محيط المحيط وهو أول قاموس عصري باللغة العربية طبعه في مجلدين كبيرين في بيروت عام 1870 ورفعه للسلطان العثماني، ونال عليه الوسام المجيدي الثالث ولليوم هاد المعجم هو واحد من أهم المعاجم العربية الحديثة.
بطرس البستاني هو أول من نادى بالأمة السورية وكان عن طريق جريدة نفير سوريا اللي هدفت لتوعية السوريين قومياً وإيقاف الحرب الأهلية الطائفية بين السوريين، وهو صاحب مقولة " الدين لله والوطن للجميع" ومو سعد زغلول متل ما انشاع وهو أول من دعا لقيام وطن سوري (بلاد الشام) وانعرف بجملتو الشهيرة "حب الوطن من الإيمان".
توفي بطرس البستاني بـ 1 أيار عام 1883، وخسرت سوريا أول من نادى بوحدتها بالعصر الحديث منادي بالأمة السورية، وواحد من أهم مطوري اللغة العربية.
ليست هناك تعليقات:
إرسال تعليق