متى استوطن العرب في سوريا ؟
بأمر من عثمان بن عفان استوطن العرب في سوريا بعيداً عن السوريين
وهاد بفسر كمان عدم وجود اختلاط جيني كبير بين السوريين والعرب للعصر الحالي فالعرب عمليا كانو منعزلين جغرافيا وتواجدهن الأساسي في البادية السورية والجنوب السوري ويمكن ملاحظتو من الملامح فمعظم السوريين ما بيشبهو العرب، وحتى على العكس صار كتيرين من عرب سوريا سوريين بشبهو السوريين بالعادات والتقاليد.
الهجرة العربية لسوريا ما كانت وحدة بس كل الهجرات اللي سبقتها واللي صارت بعدها كانت بأعداد قليلة مقارنة مع السكان الأصليين لسوريا، فما كان في تأثير على كيان المجتمع السوري، حتى مع دخول العرب المسلمين لسوريا فحسب الروايات الإسلامية نفسها كانت تقول أنو الأعداد اللي دخلت بلاد الشام ما بين 30 ألف و40 ألف بوقت كان يتوقع أنو عدد سكان بلاد الشام بين 2 مليون و 4 مليون.
عرب سوريا هنن جزء أساسي من كيان الأمة السورية اليوم وخصوصاً بعد مرور مئات السنين على تواجدهن بسوريا، اكتسبو فيها العادات السورية وتقاليد السوريين بالمجمل وقدرو يندمجو مع السوريين ويشاركوهن كل اللي مر عليهن.
العرب السوريين لليوم محافظين على النظام العشائري، وهاد ممكن يكون أكتر شي بميزهن عن باقي السوريين، أما غير هيك فبعد دخولهن مدن السوريين واختلاطهن مع السوريين المحليين تقلصت باقي الفوارق، وصار أحيانا صعب تمييز العربي السوري عن الغير عربي.
المصدر:
كتاب The Byzantine and Early Islamic Near East
لبروفيسور اللغة العربية بجامعة لندن وتاريخ الشرق الاوسط بجامعة سانت اندروز Hugh N. Kennedy
كل الحب والاحترام من عربي سوري / محافظة درعا (الجنوب السوري) الى كافة الاخوة السوريون بعربهم وعجمهم
ردحذفاخوة المواطنة والدم
للاسف الكلام مرسل وغير منهجي وغير مبني على اية ثوابت تاريخية. فمثلاً وجود العرب في سوريا قبل الاسلام يمتد لمئات السنين ومنهم بكر وتغلب والغساسنة الذين اقاموا دولتهم في جنوب سوريا وهم الذين اسسوا الكنسية السيريانية وحموها عبر التاريخ
ردحذفمن كل عقل صاحب المقال مسمي هالكم كلمة "المجتزاة عن واقع العرب في بلاد الشام قبل الإسلام" مسميهم بكل ثقة مقال؟!!!
ردحذفبالحقيقة يعتبر هذا "المقال" من السمات الأساسية لأعاجيب هذا الزمان التي جعلت من الرويبضة كاتب مقال!!
الحق معك الغساسنة كانوا وقتها عميصطافوا بروما.. و السكان يلي معترف عليهم بسوريتكم "يلي على مرائكم" هنن يلي كانوا جوات اسوار المدن فقط!! و الباقي عبارة عن رعاع!!
متل ما حضرتك و امثالك عمتحاولوا تثبتوا إنكم مو عرب مع إنك بتحكوا العربية اكثر من أي لغة ثانية كمان بهداك الوقت كان في كثير عرب بيحكوا لغة الأغلبية السائدة اكثر من اي لغة ثانية.. بقا حاح عنصرية بلا طعمة و بلا فهم