الطقوس الجنائزية السورية في مدفن قطنا الملكي
مراحل الدفن في سوريا القديمة 1500 عام قبل الميلاد
مدافن قطنا الملكية برجع تاريخها لـ 1650 - 1500 قبل الميلاد وكانت مثال عن مراحل الدفن في سوريا القديمة.
مدينة قطنا يللي بقاياها بتشكل تل المشرفة حاليا بمحافظة حمص كانت مركز لمملكة اقليمية بالعصر البرونزي الاوسط بس اكتر شي مثير لاهتمام الاثاريين فيها هو انها بتقدر تقدم لمحة عن الثقافة العامة للمنطقة بهداك الزمن وخصوصي فيما يتعلق بالعادات الجنائزية.
حوالي عام 1650 قبل الميلاد، تم بناء القصر الملكي في قطنا. في اعتقاد أنو القصر اللي كان للمعيشة وللأغراض الإدارية والدينية، وانتهى البناء بشكل كامل بأقل من خمسين سنة، كان المجمع الضخم ببلغ طولو أكتر من 150 متر وعرضو 100 متر. وقت احتل الحيثيين سوريا عام 1340 قبل الميلاد، تم تدمير القصر.
الضريح الملكي بالقصر عطى المؤرخين فكرة عامة عن مراحل الدفن والنظرة للأسلاف و رئيس البعثة الالمانية للتنقيب بالموقع بيتر بفالزنر قدم أطروحة شرح فيها هالامور وفق الدلائل الظاهرة من الموقع.
الضريح الملكي بالقصر عطى المؤرخين فكرة عامة عن مراحل الدفن والنظرة للأسلاف و رئيس البعثة الالمانية للتنقيب بالموقع بيتر بفالزنر قدم أطروحة شرح فيها هالامور وفق الدلائل الظاهرة من الموقع.
الصورة تحت صورة تخيلية للقصر
1- مرحلة الدفن الرئيسي: في هالمرحلة الهدف هو تكين انتقال الروح للعالم الآخر وهون الدفن بكون فردي, يعني قبر خاص للميت و العملية الها عدة خطوات هيي بناء التابوت وبعدها دهن الجثمان بالزيت وبعدين تسخين (طبخ) الجثة بعدها فرش التابوت بالاقمشة الفاخرة ووضع الجثمان فوقها وبعدين بتم تغطيتو بطبقة تانية من الاقمشة وبعدين بتم نثر نباتات واعشاب خاصة واغلاق التابوت.
2- مرحلة الدفن الثانوي: المقصود منها تحويل المتوفى لشكلو الأسمى: سلف للاسرة الحاكمة.
هون كان الجثمان خارج التابوت و العظام معاد ترتيبها والجماجم كان بتم اخدها لمكان تاني، بس من الواضح انو توزيع العظام بهالشكل كان جزء من عملية طقسية متعمدة. بهالمرحلة كان يتم الاحتفال بطقس الكيبسو, وفيه كان الملك يقيم وليمة لاسلافو وياكل بالقبر بحضور ارواحهن لتكريمهن.
3- مرحلة الدفن الثالث: بالغرفة الشرقية للقبر الملكي بتم مزج عظام الاسلاف مع عظام الحيوانات الباقية من طقس الكيبسو، وهاد الدفن هو مرحلة جديدة لدفن الاسلاف يللي انتهت مهمتهم الطقسية وصار وقت نقلهن للراحة الابدية و طريقة ايداع العظام بشكل مخلوط بدون الاهتمام بفردية كل جثمان بتدل على انو هالاسلاف اخفت اي ذكرى لأسمائهن وصارو جزء من جسد الاسلاف العام، بس طبعا كان بتم تقديم الكيبسو الهن بس بشكل اقل بكتير من المدفونين بالمرحلة الثانية.
4- مرحلة الدفن الرابع: هون كان يتم اخراج الرفات من القبر الملكي ودفنها بقبر تانب داخل القصر اسمو القبر 7 وهاد القبر مخصص للاسلاف يللي طقوس الكيبسو انتهت بالنسبة الهن، بس الميت بهالمرحلة بكون فقد اي ذكرى فردية وانضم لجماعة الاموات العامة بعد ما كان من جماعة الاسلاف الخاصة.
صورة القصر
في قطنا تم التمييز بين اربع مراحل لدفن الملوك وافراد الاسرة الحاكمة:
2- مرحلة الدفن الثانوي: المقصود منها تحويل المتوفى لشكلو الأسمى: سلف للاسرة الحاكمة.
هون كان الجثمان خارج التابوت و العظام معاد ترتيبها والجماجم كان بتم اخدها لمكان تاني، بس من الواضح انو توزيع العظام بهالشكل كان جزء من عملية طقسية متعمدة. بهالمرحلة كان يتم الاحتفال بطقس الكيبسو, وفيه كان الملك يقيم وليمة لاسلافو وياكل بالقبر بحضور ارواحهن لتكريمهن.
3- مرحلة الدفن الثالث: بالغرفة الشرقية للقبر الملكي بتم مزج عظام الاسلاف مع عظام الحيوانات الباقية من طقس الكيبسو، وهاد الدفن هو مرحلة جديدة لدفن الاسلاف يللي انتهت مهمتهم الطقسية وصار وقت نقلهن للراحة الابدية و طريقة ايداع العظام بشكل مخلوط بدون الاهتمام بفردية كل جثمان بتدل على انو هالاسلاف اخفت اي ذكرى لأسمائهن وصارو جزء من جسد الاسلاف العام، بس طبعا كان بتم تقديم الكيبسو الهن بس بشكل اقل بكتير من المدفونين بالمرحلة الثانية.
4- مرحلة الدفن الرابع: هون كان يتم اخراج الرفات من القبر الملكي ودفنها بقبر تانب داخل القصر اسمو القبر 7 وهاد القبر مخصص للاسلاف يللي طقوس الكيبسو انتهت بالنسبة الهن، بس الميت بهالمرحلة بكون فقد اي ذكرى فردية وانضم لجماعة الاموات العامة بعد ما كان من جماعة الاسلاف الخاصة.
ليست هناك تعليقات:
إرسال تعليق