مملكة ناغار لحضارة الأقدم في الجزيرة السورية
قبل أكثر من آلاف السنين مملكة ناغار دليل على سورية الجزيرة والخابور
تل براك موقع أثري تاريخي برجع للألفية السابعة قبل الميلاد موجود غرب نهر جعجع واحد من روافد نهر الخابور على بعد 42 كم من مدينة الحسكة، وبيشكل تل براك مع مجموعة من التلال والمدن الأثرية بالمنطقة أقدم الحضارات الانسانية على الاطلاق.(1)
موقع تل براك في محاقظة الحسكة
بلشت تل براك كمستوطنة بالألف السابع قبل الميلاد، وتطورت بالألفية الرابعة لتصير مملكة من أكبر الممالك بالمنطقة، وتكون أول وأقدم مملكة في الجزيرة السورية وانعرفت بالألفية التالتة قبل الميلاد بـ "ناغار" Nagar وكان نفوذ المملكة بيشمل كل منطقة الخابور.
الساميين في تل براك كانوا من نفس عرق إيبلا أول إمبراطورية سامية، وحكوا نفس لغتها، وحسب الاكتشافات الأثرية فسكان تل براك هنن أول شعب ترك آثار كتابية بمنطقة الجزيرة كلها، ودامت مملكتهن من 2600 حتى 2300 قبل الميلاد ودمرتها ماري، وبعدها خضعت لسيطرة الإمبراطورية الأكادية.
بعد الأكاديين سيطر عليها شعب بحكي بلغة قوقازية اسمو الشعب الحوري تمدد بمناطق كتيرة بالشمال السوري.
انكمشت ناغار ببداية الألفية التانية قبل الميلاد، وازدهرت مرة تانية ببداية القرن 19 قبل الميلاد، وخضعت لحكم قوى إقليمية مختلفة.
حوالي عام 1500 قبل الميلاد، كانت تل براك مركز لميتاني قبل ما تدمرها آشور حوالي عام 1300 قبل الميلاد، وما قدرت ترجع تستعيد أهميتها أبدا، وضلت مستوطنة زغيرة، مهجورة في بعض مراحل تاريخها، حتى اختفت من السجلات في أوائل العصر العباسي.
في تل براك التقى بناء مدرج ومعبد وجواتو كان في آثار مهمة متل تماثيل حيوانات كتيرة وأقنعة بشرية وعيون وأصنام حتى تسمى المعبد بمعبد العيون، وبرجع للحقبة 3500 - 3300 ق.م.
أبرز التعاويذ كان يقدمها السكان للمعبد للتعبير عن تفانيهن لصد العدوان المحتمل اللي بهدد المدينة ولجلب الخير وإبعاد الشر، وفي تمائم التقت في المعبد في شرفة العيون، بتمثل حيوانات كالضفدع والقنفذ والدب والأسد وغيرها من التماثيل والتمائم.
تم التنقيب عنها بواسطة ماكس مالوان في عام 1937، بعدها صار حملات تنقيب من عدة بعثات أثرية بين عامين 1979 و 2011 وتوقف التنقيب بسبب بداية الحرب الأهلية السورية، ومصير كتير من آثارها مجهول اليوم.
ليست هناك تعليقات:
إرسال تعليق