صلخد مدينة المعابد القديمة
مقر أقدم المعابد ومكان هزيمة الفرنسيين أمام السوريين
صلخد مدينة، ومركز لجنوب السويداء بتبع الها عدد من البلدات والضيع والمناطق، الها أهمية تاريخية كبيرة وكانت مركز قيادي في جنوب سوريا وأخدت مكانة مهمة بعصر الإمبراطورية الرومانية، وفيها كتير آثار رومانية وآثار مهمة بترجع لعصور مختلفة منها العهد الأيوبي الإسلامي.
أصل تسمية صلخد الاسم الكنعاني سالاخ وانذكرت انها بتكون الحد الجنوبي الشرقي لمملكة اوغ العمورية، كمان انذكرت بوثائق العمارنة الفرعونية، وانذكرت بالتوراة 4 مرات، وتحولت لمدينة مزدهرة بمملكة الانباط (مقال عن الأنباط: الأنباط آراميون سوريون).
انوجد بريفها كتير من تماثيل اله سوريا الاكبر حدد وتحديداً بضيعة "عوس" تم نقلهن لمتحف السويداء، وكانت مقر لمعابد ملكية نبطية ورومانية ويقدر تاريخ المدينة برجع لـ 3200 سنة.
موجودة المدينة على خريطة مادبا الفسيفسائية في الأردن.
صلخد كمان هي موقع معركة كانت فخر لسوريا لما سلطان الاطرش هزم الفرنسيين فيها بـ 20 تموز عام 1925 بوقتها قدر الثوار يسقطوا طائرة استطلاع فرنسية، والقوا القبض على طياريها المصابين وقدروا الثوار يسيطروا على صلخد وحاميتها الفرنسية بدون ما تقدر القوات الفرنسية تواجه وترد بشكل كبير.
من آثارها التاريخية اللي بترجع لعدة عهود قلعة صلخد قلعة أثرية والحصن الأيوبي اللي بناه الأيوبيين فوق تل بركاني بالمدينة بطل على المدينة، ويربطها بقلعة بصرى نفق بمتد تحت الأرض بين المدينتين لمسافة كبيرة كانت بتمشي فيو العربات اللي بتجرها الأحصنة والآليات الحربية بالعصور القديمة.
بتضم صلخد مئذنة مسماي باسمها كانت بتعلو جامع المدينة وهي الشي الوحيد اللي ضل من الجامع وبترجع للعهد الأيوبي ولسا بحالة جيدة موجودة بالساحة الرئيسية للمدينة.
مئذنة صلخد
بتواجد بصلخد كمان بقايا مدافن أيوبية وفيها مخطوطات ووثائق إسلامية عربية بترجع للعهد الأيوبي، وبتضم مدينة صلخد كتير من الآثار والمباني اللي بترجع عود للعصر الروماني.
ليست هناك تعليقات:
إرسال تعليق