الأنباط آراميون سوريون
حسب مؤرخين تعود أصول الأنباط من البادية السورية وليس صحراء العرب
أسس الأنباط وحدة من أعظم الممالك السورية وتركزت في جنوب سوريا وامتدت لسيناء المصرية وشمال المملكة العربية السعودية الحالية.
كتير من المؤرخين وأغلب المصادر اعتبروها مملكة عربية وأنو الأنباط أصلهن عرب بحجج كتير أولها أنو الأنباط كان في عندهن أسماء وآلهة عربية بس المعروف عن الآراميين أنهن كانو يعبدو آلهة آشورية وحثيّة وفينيقية وكنعانية ونفس الشي بالنسبة للأسماء وبالتالي هي الحجة غير كافية.
الحجة التانية هي تسمية الرومان لشرق الأردن مكان ما استوطن الأنباط بالعربية لكونها موجودة على حدود الجزيرة العربية وهو أقصى تمدد للرومان بالمنطقة وهاد من أسباب تسمية فيليب الحوراني كمان بفيليب العربي.
ومتل مو معروف بصر العروبيين على أنو كل سكان سوريا هنن قبائل عربية مهاجرة من جزيرة العرب وبنطبق الكلام على الأنباط، وهاد الشي المؤرخين مؤخراً نفوه.
المؤرخ الفرنسي كترومير في أطروحتو حول الأنباط سنة ١٨٣٥ أكد أنو الأنباط بنحدرو من الآراميين.
أما المؤرخ سيمو باربولا الفنلندي - من خلال إعتمادو على الكتابات الأكادية - أكد أنو الأشوريين سمو البادية السورية " نباطو " في القرن السابع قبل الميلاد.
وبعتقد البعض أنو من أسباب ربطهن بالعرب كونهن كانو بدو رحل قبل استقرارهن وكلمة عربو بتعني بدو.
بعض المصادر بتقول أنو هنن بالفعل عرب وملوكهن من بني الحارث بن كعب من قبيلة مذحج العربية.
الأصول العرقية للأنباط عمل جدل كبير بين المؤرخين الغرب والمصادر العربية في القرنين التاسع و العاشر ما انذكر فيها أبدا أنو الأنباط بنتمو للعرب و كانت كلمة نبط (أنباط) بالمصادر العربية بتعني السريان سكان سوريا والعراق وكانت تسمي اللغة السريانية باللغة النبطية !
وإذا كان في خلاف على الأصول العرقية بس الكل بجمع على أنو الأنباط كانو بكل عاداتهن وأسلوب حياتهن آراميين وكان صعب التمييز بينهن وبين الآراميين بالشمال يعني هنن آراميين بالثقافة بشكل كامل.
أما بالنسبة للغساسنة والمناذرة فهنن عرب بالفعل بس أعدادهن كانت قليلة مقارنة بالأنباط وباقي سكان سوريا وانحصر وجودهن بالأردن.
أكبر دليل على الأصل الآرامي هو ببساطة لغة الانباط! هي لهجة آرامية بدون شكّ ولا جدال طبعا.
ردحذفطبعا بالنسبة لشمال الأردن، فمعظم القرى لا زالت تحتفظ بأسمائها ذات الأصل السرياني