فكر الأمة السورية مو معتمد عمقاييس عرقية بتميز حسب الالوان أو الشكل، وكلنا منعرف انو ما في شي اسمو عرق نقي، بس في ناس بتدعي انو نحن عرب لأنو نحن ساميين ولأنو حنطيين (مع العلم انو سمار السوري مختلف عن سمار العربي بشبه الجزيرة) وبيتدعو انو السوريين يللي الوانهن فاتحة هنن بقايا الرومان !!

بالرسم اللي لاقوه علماء الآثار بمقبرة الفرعون سيتي الأول واللي برجع لعام 1300 قبل الميلاد بتوضح فيه الاختلافات بين الأعراق، والرسم حسب الترتيب من اليمين لليسار مصري، سوري، نوبي، أمازيغي وهنن الشعوب اللي كانو يحدو مصر القديمة.

في نقاط لازم تكون واضحة:

1- العرق السامي : هو خيال، لانو الأعراق الانثروبولوجية تلاتة بس هي القوقازي، المونغولي، الزنجي. وكل عرق من الاعراق الكبيرة فيه عشرات الأعراق الفرعية.

2- الساميين: أي حدا بيحكي لغة سامية! ببساطة الامر لغوي مو عرقي متل ما بتصورو بعض الروايات الدينية. 

3- العرق القوقازي: هو العرق اللي بنتمي ألو الشعب السوري والعربي والايراني وشعوب تانية كمان، بس كل قومية بتنتمي لأعراق مختلفة فرعية، والاعراق المسيطرة عند السوريين هية: 

1- الالبيني الاسيوي -2- المتوسطي الشرقي المشرقي. مع وجود اعراق فرعية تانية. 

وطبعا لون السوريين هو متوسطي ووجود الالوان الفاتحة بيناتنا هو شي كان معنا من وقت ما خلقنا. (الرومان كانو سكان مدينة يعني ما كان عندهن الاعداد ليقدرو يختلطو فينا بهاد الشكل.

باللوحة المصرية السوري اسمو (عامو) وبتعني الاسيوي وهالكلمة استعملوها المصريين للدلالة على سكان بلادنا.