سوريا لن تكون أفغانستان
جبهة النصرة تنفرد بالسلطة وتغيّب المرأة وكل المكونات السورية
جبهة النصرة أو حسب مسماها الجديد هيئة تحرير الشام "هتش" بقيادة الجولاني تغتصب السلطة وتنفرد بحكم سوريا.
رسائل زعيم الحركة الإرهابية حاولت أنو تنسي السوريين وجه الحركة المتطرفة وعاطتهن أمل بأنو الحركة الجهادية ما عندها طموح بالسلطة وتركيزها بس على اسقاط نظام الأسد، وعطت الأمان للأقليات.
بعد سقوط النظام وبداية ظهور ملامح الفترة الانتقالية بلشت يتضح للسوريين الخطر الكبير اللي عم يهدد ثورة الحرية من اليوم التاني ووضح للكل أنو الحركة الجهادية عم تأسس كيان بناسب فكرها الإيديولوجي وعندها رغبة واضحة بالانفراد بالسلطة وابعاد كل المكونات السورية.
حكومة ادلب واللي كانت بمثابة إمارة الجولاني الصغيرة تم تنصيبها على كامل الجمهورية السورية، هي الحكومة اللي شهدت غياب كل المكونات السورية التانية وغياب كامل للمرأة السورية، بالإضافة لاستخدام علم التنظيم الإرهابي جنب العلم السوري بالاجتماعات الرسمية.
غياب كامل للمرأة السورية أو تغييب وصل للشاشة الفضائية السورية اللي تحولت لقناة جبهة النصرة وعم بتبث أغاني جهادية ورسائل متطرفة.
الأمور في سوريا غير مطمئنة اطلاقاً مع انفراد الجولاني بالسلطة وبكل القرارات حتى الآن، وتغييب كامل لكل المكونات السورية الفكرية منها والدينية.
وعي السوريين وحده هو قادر أنو يمنع من تحويل سوريا لإمارة اسلامية وصنع ديكتاتور جديد بعباية مختلفة، وحدة السوريين بهي المرحلة قادرة توقف أطماع الجولاني وتعيد الثورة لطريقها الصحيح بإقامة وطن سوري لكل السوريين.
ليست هناك تعليقات:
إرسال تعليق