الزيتون من سوريا إلى العالم
انتقل الزيتون إلى أوروبا وأفريقيا عن طريق التجار الفينيقيين
رمز السلام والحكمة والخصوبة والازدهار والحظ والنصر. شجرة الزيتون رمز من رموز سوريا التاريخية حبت أرض سوريا وبحرها وشمسها.
سوريا هي الموطن الأصلي لشجرة الزيتون اللي شاركت السوريين أرضهن وطقسهن، فكانت تنمو حتى بالتربة القاحلة والصخرية وعاشت ظروف الجفاف والعواصف، رافقت السوريين بتاريخهن بأوقات الرخاء وأوقات الحرمان، كانت جزء من تراث وهوية أرض سوريا.
الزيتون، وهو أكتر مصادر الزيوت النباتية صحة وطبيعية في العالم، وبرجع إلى فترة ما قبل حوالي ستة آلاف سنة. وبتشهد دراسة علمية حديثة حول الحمض النووي لأصناف الزيتون المزروعة والبرية في حوض البحر الأبيض المتوسط أنو زراعة شجرة الزيتون البرية صارت لأول مرة حوالي 6000-8000 سنة في شمال غرب سوريا (الحدود السورية التركية حالياً) وفي مصادر بتقول على البداية من ساحل الكرمل بفلسطين.
بوقت لاحق انتشرت شجرة الزيتون في حوض البحر الأبيض المتوسط بأكملو من خلال التجار الفينيقيين اللي نقلوا الزيتون لأول مرة خارج سوريا الطبيعية لليونان.
على الرغم من أنو زراعة شجرة الزيتون حوالي 4000 قبل الميلاد بلشت، بس إنتاج زيت الزيتون الصالح للأكل بيرجع للعصر البرونزي المبكر، 3150 إلى 1200 قبل الميلاد.
احتلت شجرة الزيتون، عبر مختلف حضارات البحر الأبيض المتوسط ، مكانة مهمة في الاقتصاد الزراعي والتجارة، وبتشير الألواح الموجودة في شمال سوريا واللي بيرجع تاريخها لنصف الألف التالت قبل الميلاد لحجم إنتاج زيت الزيتون على نطاق واسع، بوقت كمان بتشهد النصوص الحثيّة والسجلات المصريّة على زراعة الزيتون بالأناضول حول منطقة قيليقية.
الزيتون في سوريا واحد من أهم المنتجات الزراعية السورية، ومجموع مزارع الزيتون في سوريا وصل لـ 696 ألف هكتار تقريبا، وعدد أشجار الزيتون وصل لـ 106 ملايين شجرة المثمر منها 82 مليون شجرة وكانت سوريا بتحتل المرتبة الرابعة عالمياً بالانتاج اللي تجاوز المليون طن من الزيتون ونتج عنو 175 ألف طن زيت زيتون.
معدل استهلاك الفرد من زيت الزيتون في سوريا بيتراوح سنويا بين 5 و 6 كيلوغرام، أما الفائض من الزيت فبيتراوح سنويا بين 40 و50 طنا، بوقت بيصل عدد العيل اللي بتشتغل بشكل مباشر أو غير مباشر بخدمات زراعة الزيتون والقطاف والتصنيع والتجارة لنحو 600 ألف عيلة.
ليست هناك تعليقات:
إرسال تعليق