سلسلة وطنية من إعداد المركز الوطني لتطيور المناهج

إيمار أول سلسلة وطنية سورية لتعليم اللغة الإنكليزية واللغة الفرنسية بلش تدريسها من بداية هاد العام لطلاب المدارس السورية، السلسلة من إعداد المركز الوطني لتطوير المناهج.

وحتى نكون واقعيين أكيد هي السلاسل ما رح تنافس السلاسل الأجنبية، وأكيد رح يكون فيها أخطاء، بس بداية تجربة جيدة منتمنى أنو تخضع للتقييم والتطوير المستمر حتى يتلافو الأخطاء وبنفس الوقت يستثمرو الكفاءات السورية الموجودة في الداخل والخارج السوري.

اسم ايمار اجا من مملكة إيمار اللي اكتشفت عام 1972 وبرجع تاريخها للألف الثالث قبل الميلاد ، وكان اختيار هي المملكة باعتبارها طبقت أول نظام تعليمي في سوريا والمنطقة، واختيار الاسم موفق جداً.

السلاسل بدروسها وتدريباتها حاولت تشمل كافة المهارات اللغوية، السلسلة الإنكليزية تمّ تأليفها من طرف 4 لجان تأليف وبعد انتهاء العمل تم تقييمو على 4 مراحل من قبل بعض الأساتذة في جامعة دمشق.

أما السبب ورا هالخطوة فكان عدم قدرة الوزارة على الاستمرار في شراء سلاسل أجنبية، بعيداً عن هاد السبب الغير واقعي لأنو الوزارة بتنفق الملايين على خطوات تعليمية غير مجدية، بس لازم ندعم التجربة السورية الرائدة في تدريس كافة العلوم بأكتر من لغة.