المثلية ليست مرض بل رهابها مرض
بكل اختلافاتهم وميولهم سوريا لكل السوريين
المثلية الجنسية هي الشعور بالانجذاب الجنسي أو العاطفي لفرد من نفس نوع الجنس (ذكر - ذكر) (أنثى- أنثى).
المثلية الجنسية شي طبيعي ومجود عند كل الثديات وباقي الأنواع الحية وتم ملاحظتو عند أكتر من 1500 نوع من الحيوانات غير البشر، وبتختلف نسبة انتشار المثلية بين الكائنات ويتصل مثلا للربع عند البوز الأسود وممكن تصل ل 70 بالمية عند الزراف.
منظمة الصحة العالمية شطبت المثلية الجنسية من قائمة الأمراض النفسية وخصوصاً بعد ما أكد العلم البيولوجي أنو السبب الرئيسي للمثلية الجنسية هو عضوي بحت.
نسبة المثلية الجنسية في النوع البشري تقريباً 10 بالمية بس ببقى 90 بالمية من المثليين متخفين داخل مجتمعاتهن وأحياناً ناكرين لهويتهن وميولهن الجنسية بسبب النظرة الاجتماعية اللي رح يتعرضولها وخصوصا بالمجتمعات المنغلقة والمتدينة.
طبعاً لازم نميز بين المثلية الجنسية وبين ثنائي الميول الجنسية اللي ممكن تكون ميولو بنسب مختلفة للجنسين.
بعاني مجتمع الميم السوري من مشاكل كتيرة داخل المجتمع المحافظ المصاب برهاب المثلية، فالحديث عن الموضوع هو بمثابة خط أحمر عند كتير من الناس.
المثليين في المجتمع السوري بعانو من كل أنواع العنف الجسدي والنفسي والاضهاد بتصل أحياناً للقتل أو لانتحارهن.
في اليوم العالمي لمناهضة رهاب المثلية اللي بصادف 17 أيار من كل سنة لازم نذكر السوريين المصابين برهاب المثلية الجنسية أنو المثليين والمتحولين وثنائي الميول الجنسية هنن أشخاص طبيعيين موجودين بيناتنا وعايشين معنا حتى بدون ما نعرف والغائهن شي مستحيل والمثلية ما بتنتقل بالعدوى، وما ممكن لشخص مغاير يصير مثلي بمجرد مشاهدة أشخاص مثليين.
العنصرية الجنسية داخل المجتمع السوري ما بتفرق عن الطائفية والتمييز على أساس الدين بين السوريين، والعنف الجسدي أو النفسي اللي بيتعرض الو شخص لمجرد اختلافو عن الأغلبية المغايرة هو شبيه بقتل على الهوية اللي هو ما اختارها.
سوريا لكل السوريين بكل ألوانهن واختلافاتهن وميولهن.
ليست هناك تعليقات:
إرسال تعليق