المحاربون السوريون القدماء
رغم نزعة السوريين للسلام إلا أنهم عند الحروب مقاتلون أشداء تاريخياً
كمان السوريين كانو محاربين اشداء قبل الميلاد. وكان الغزاة يعانو كتير باحتلال بلادنا، ومن اعظم الملوك المحاربين هو ايبلول-إل ملك ماري 2400 قبل الميلاد (لغة ماري كانت مرتبطة بلغة ايبلا مو بلغات الرافدين).
ايبلول-ايل مذكور برسالة موجودة بايبلا و بتأرخ حروبو بالشمال في وادي دجلة وبالغرب في وادي الفرات ضد ايبلا نفسها.
الملك قضى 14 سنة في حملات متواصلة ورفع ماري لرتبة اقوى دولة بالهلال الخصيب.
الصورة من موزاييك تم اكتشافو بماري وبعود لعصر ايبلول ايل وبمثل الملك على العربة الحربية (الصورة بتمثل تاريخ صار من 4400 سنة).
الصورة من موزاييك تم اكتشافو بماري وبعود لعصر ايبلول ايل وبمثل الملك على العربة الحربية (الصورة بتمثل تاريخ صار من 4400 سنة).
طبعاً ماري هي مو المثال الوحيد لقوة السوريين فشهرة تدمر وجنودها وصلت لروما وامبراطوريتها (مقالة: الكاتافراكت سلاح تدمر الذي دمرها) ومن قبل تدمر الملك الآرامي حازائيل ملك دمشق اللي قدر يوحد الممالك الآرامية بدمشق وينتصر على العبرانيين وعلى الآشويين ويحمي دمشق. (مقالة: حازائيل الملك المنتصر).
مملكة حماث أو حماة حالياً كانت تاريخياً من أشرس الممالك واللي قدرت تواجه الآشوريين أكتر من 120 سنة ووصلت حدودها للبحر وكان مينائها الرئيسي جنوب جبلة اسمو شوكسي. (مقالة: حماة أشرس ممالك سوريا) (مقالة: مقاتلين من حماة في بريطانيا)
في الحرب اليهودية الرومانية الأولى بين 66-73 م ، لعبت القوات السورية دور حاسم في معركة بيت حورون (66 م) ، وقتها تعرضت لكمين من قبل قوات يهودا المتمردة.
كان الرومان بقدرو كتير المحاربين السوريين لمهارتهن وشجاعتهن وفاعليتهن في المعركة، وأقنع فقدان الفيلق روما بضرورة إرسال القوة الكاملة للجيش الروماني ضد متمردي يهودا. وتم قمع التمرد بوحشية من قبل تيتوس في 73 م مع خسائر فادحة في الأرواح. شارك المشاة السوريون كمان في إخماد ثورة بار كوشبا في يهودا (132-136 م) وبعد هيك قام الإمبراطور هادريان بنفي اليهود من المنطقة وأطلق عليها اسم سوريا فلسطين على اسم الأعداء التقليديين للشعب اليهودي.
قوة السوريين وصلتهن لحكم روما و3 أباطرة كانو سوريين ومن مواليد سوريا: إيل جبل (218-222 م) ، ألكسندر سيفيروس (حكم 222-235 م)، وفيليب السوري (244-249 م). (مقالة: خمسة أباطرة سوريين حكموا روما)
وين مقال مملكة حماة؟ مو موجود بموقعكم والروابط اللي حاطينها بنفس المقالة هاي روابط خربانة
ردحذف