مصطفى العقاد من حلب إلى هوليوود
المخرج السوري العالمي صاحب رسالة السلام كان ضحية الإرهاب
ولد مصطفى العقاد في 1 تموز عام 1930 في مدينة حلب ومنها طلع إلى الولايات المتحدة الأمريكية مشان يدرس الإخراج والإنتاج السينمائي.
وقت قرر يطلع من حلب لأميركا مشان دراسة السينما الكل عبتمسخرو عليه وبعتقدو بأنو سادج وما رح يحقق اللي بريدو بس مع هيك جاب كتب متل اللي بتدرّس في الجامعات الأمريكية في مجال الإخراج ودراسها وفهمها كلها قبل ما يروح لأمريكا.
والدو كان رافض للفكرة بس البداية بس أصرار مصطفى العقاد على السفر اضطر والدو للرضوخ لرغبة ابنو وعند سلم الطيارة عطاه مبلغ ميتين دولار ومصحف مشان يكون معو برحلتو.
بلشت الرحلة في (كاليفورنيا) وفيها درس في جامعتها وتفوق على كل رفقاتو ولهلأ اسمو بين قائمة المتميزين في هي الجامعة.
وكان يتدرب على الإخراج وقت الدراسة ومرة من المرات جهز فلم عن (قصر الحمراء) أخد الجائزة الأولى في الجامعة وبعد تخرجو اشتغل مساعد للمخرج العالمي (الفرد هيتشكوك) وكان وفتها عبيتدرب على أيدو وأخد خبرة كبيرة من خلال شغلو معو وهاد اللي ساعدو كتير بإعداد مجموعة افلام (الهالويين).
في 11 نتشرين الثاني 2005 انقتل العقاد مع بنتو ضمن ضحايا الانفجار اللي صار في فندق غراند حياة في عمان بالأردن. كانو جايين ليحضرو عرس واحد من الرفقة، وصار الانفجار اللي كان ناتج عن عملية انتحارية، لحظة وجود العقاد في ساحة الفندق واستقبالو لبنتو الجاي من السفر، توفت بنتو فوراً، بس هو مات هو بعد العملية بيومين متأثرا بجراحو.
توفي مصطفى العقاد واحد من أفضل المخرجين السنمائيين في تاريخ سوريا وترك وراه أعمال هي من أعظم الأعمال السينمائية.
تم تسمية شارع وساحة باسمو في مدينتو حلب وكمان تم تسمية مدرسة ثانوية باسمو.
ليست هناك تعليقات:
إرسال تعليق