البقلاوة من حلب إلى اسطنبول
حلوى سورية حلبية يتنازع على أصلها الأتراك واليونانيون والقبارصة
البقلاوة هي نوع من أنواع الحلويات السورية وصنف من أصناف صحن الحلو السوري (الشامي) اللي بضم أنواع تانية غير البقلاوة أشهرها المبرومة.
أصل التسمية احتلف عليه اللغوين والمؤرخين بس الباحث الألماني في اللغة التركية جي دورفر بأكد أنو الكلمة مو من اللغة التركية، ورغم تعدد الرويات حول أصل التسمية ما بين عربي وعثماني ومنغولي ويوناني قديم بس الترجيح أنو يكون الأصل فارسي.
تاريخ البقلاوة أقدم من تركيا ومن الدولة العثمانية كلها، وأن كان شهرتها وانتشارها بشكلها الحالي هو بالعصر العثماني ومن مدينة حلب بالتحديد قبل ما تنتقل لاسطنبول وغازي عنتاب.
في العصر الآشوري قبل الميلاد كان أول ظهور لبداية البقلاوة بشكلها البدائي، وكانت عبارة عن رقائق عجين محشية فواكة مجففة أو مكسرات بالعسل.
كان أهل حلب بيعملو أشكال مختلفة من الحلويات واللي بتعتمد بشكل أساسي على الفستق الحلبي بمكوناتها ومن بين هي الأصناف اللي كانت تنعمل البقلاوة وما كانت مميزة بين عشرات الأنواع التانية وما كان الها حتى اسم خاص فيها، ومن حلب انتقلت لمدينة غازي عنتاب اللي كانت تابعة لولاية حلب ومنها لاسطنبول وتاخد شهرتها بقصور السلاطين وتكسب شهرة كبيرة ويصير الها طباخين بس لصنعها.
بتقرير لقناة الجزيرة عن البقلاوة وبمقابلة مع رجل الأعمال التركي نادر غوللو أوغلو صاحب أكبر معمل بقلاوة في العالم اليوم واللي بينتج البقلاوة من أكتر من قرنين، قال في التقرير أنو جدو "محمد غللو شلبي" سافر للحج عام 1820 ولما مر بحلب تعرف على البقلاوة وعشقها، ولما رجع من مكة قعد في دمشق بعدها في حلب 6 أشهر ليتعلم صناعة البقلاوة من عيل حلبية عريقة لهلأ بيعرفها بالاسم، ولما رجع جدو لعنتاب فتح معمل فيها، وبعام 1949 فتح والدو أول فرن بقلاوة في اسطنبول وهاد اعتبر حدث هام بوقتها وتم تصويرو وعرضو بالسينما ! وقال من 5 أجيال ونحن عمننتج البقلاوة، وأضاف أنو أجدادي تعلمو البقلاوة من حلب ودمشق وأنا عبنتج البقلاوة في اسطتبول وعنتاب بس قلبي حزين على اللي عبصير في حلب ودمشق اليوم وبتنمنى يرجع يعيش أهل هي المدينتين بخير وأمان.
ونشر قبل سنتين مقال عن وكالة الأناضول التركية الرسمية وأكدت رواية السيد نادر غوللو أوغلو وانذكر بالمقال أنو البقلاوة انتقلت من حلب السورية لمدينة غازي عنتاب ومنها لباقي تركيا.
البقلاوة عملت أزمة بين تركيا وقبرص واليونان وكل بلد بتعتبر البقلاوة أكلة من تراثها الثقافي بوقت ما في حدا عبدافع عن أصلها السوري بسبب النوم العميق في حضن العروبة.
اليونان واللي بتعتبر أنها أكلة يونانية بسبب اختراعهن عجينة الفيلو (العجينة المورقة)، بس نوع الحلو اللي كان ينعمل بقبرص اليونانية تحديدا ورغم التشابه الكبير مع البقلاوة بس هو مختلف عن البقلاوة الحلبية اللي انتشرت اليوم، لأنو اليونانيين كانو يضيفو الها سمسم ومكسرات وعسل مغلي بدل الفستق الحلبي أو الجوز مع القطر.
وتسبب نشر ملصقات قبرصية عليها صورة البقلاوة على أنها أكلة شعبية قبرصية عام 2006 بمظاهرات بتركيا، ولجأ الأتراك للاتحاد الأوروبي ليثبت تركية البقلاوة.
ليست هناك تعليقات:
إرسال تعليق