قبلة الحب .. تثير الغضب
لم يهز المجتمع صور القتل كما هزه صورة قبلة
المجتمع اللي بيتدعي المحافظة على القيم والاخلاق هو نفسو المجتمع اللي متفشي فيه الفساد، السرقة، النصب، الاختلاسات، الرشاوي، الاغتصابات، التحرش، والابتزاز وغيرها ما بعبر عن غضبو ألا اتجاه مشهد بمسلسل سوري فيه قبلة !!
كل الأمور التانية صارت عادية ومتقبلة وحتى انها عبتم ممارستها بشكل طبيعي، المواطن اللي بيرشي شرطي قدام ولادو وبضرب امهن وبسب وبشتم قدامهن، خايف على الاولاد من مشهد قبلة وبعتبرو منافي للأخلاق والدين بس كل شي عملو عادي !
مشاهد العنف القتل اللي بتتضمنها المسلسلات السورية والأفلام الأجنبية هي تعتبر من اخلاق وثقافة المجتمع؟
الأفلام والمسلسلات الأجنبية ومشاهد القبلات اللي فيها صار أمر عادي؟
يعني حلال على الأجنبي حرام على السوري؟ ولا نزع الاخلاق ما بكون الا من السوري؟
عرض ونشر صور فاضحة لممثلة سورية على وسائل التواصل الاجتماعي بعد ما تعرضت لعملية ابتزاز من حدا رخيص أمر عادي عند المجتمع، لأ والمسبات والاهانات ببتوجه الها مو للمبتز عديم الأخلاق والوجدان.
المقال هون مو دعوة لعرض أي نوع من المشاهد ولا تشجيع الها، بس دعوة للتفكر لسبب معارضتها ورفضها بهاد الشكل، بوقت عايش المجتمع كل هي الشغلات السلبية والمنافية للأخلاق وصار متقبلها وبمارسها بشكل عادي.
ليست هناك تعليقات:
إرسال تعليق