بيروت خمسة آلاف عام من التاريخ
أقدم ذكر لبيروت كان باسم بيروتا وسماها الفينيقيين بيريت
بيروت وحدة من أقدم مدن العالم أول ذكر الها كان بألواح تل العمارنة اللي نوجدت بمصر وورد فيها اسم بيروتا وملكها عمونيرا الفينيقي، بيروتا أو أصلها الفنيقي بيريت بتعني باللغة الفينيقية الآبار وانقال أنها كانت بتتسمى "بيريتيس" أو "بيروتوس" أو "بيرُووَه" نسبة للإلهة "بيروت"، أعز آلهة لبنان وصاحبة أدونيس إله جبيل.وانعرفت المدينة باسم "بيريتوس" باليونانية القديمة بكتب الإغريق.
كانت بيروت مملكة فينيقية مستقلة باسم فينيقيا، وكان أهل بيروت بعبدو إله خاص فيهن اسمو "بعل بيريت" وبيعني إله بيروت.
من أفضل فترات بيروت كان بعهد هيرودوس وصارت مدينة رومانية كاملة الحقوق وصار لقبها المستعمرة الممتازة.
عام 551 ضرب بيروت والساحل الفينيقي زلزال كبير قضى على 250 ألف انسان 30 ألف منهن في بيروت لوحدها وهاد أفقدها أهميتها بالفترة اللي بقيت تحت حكم الروم البيزنطيين.
وبعد دخول العرب الها وخلال عصر الخلفاء الراشدين والأمويين والعباسيين كانت بيروت تتبع دمشق، وبعد معركة مرج دابق شمال حلب ودخول العثمانيين أرض سوريا تشكلت ولاية بيروت اللي كانت تمتد من حيفا حتى اللاذقية.
سكنها الموارنة اللي اجو من حلب وشمال سوريا خوف من مدابح العثمانيين ضد المسيحيين.
بيروت اليوم عاصمة الجمهورية اللبنانية اللي انفصلت عن سوريا الأم بدعم من الفرنسيين وبسبب ضغط من بعض الأقليات الدينية اللي سكنو فيها.
ليست هناك تعليقات:
إرسال تعليق