نضال سيجري الفنان الطيب
أيها السوريون الطيبون اقتلونا جميعاً أو أوقفوا اقتتالكم آخر ما قاله الفنان الراحل نضال سيجري
نضال سيجري واحد من أكتر الفنانين السوريين اللي رح يبقو عالقين بذهن السوريين، واللي تركو بصمة مميزة بالدراما السورية.
نضال سيجري من مواليد مدينة اللاذقية 28 أيار عام 1965 خريج المعهد العالي للفنون المسرحية في دمشق، تزوج الكاتبة سندس برهوم وانجب منها طفلان.
من أهم الأعمال اللي شارك فيها "الزير سالم" و"غزلان في غابة الذئاب" وبقعة ضوء" وتشبه بتشارلي تشابلن بعد دورو العظيم بمسلسل ضيعة ضايعة.
رحل الفنان نضال سيجري بعد معاناة طويلة مع مرض السرطان واللي أفقدو صوتو بالأشهر الأخيرة من حياتو، وتوفي 11 تموز عام 2013 في دمشق.
مواقفو الوطنية والإنسانية ما بتقل قيمة عن أدوارو والشخصيات اللي لعبها، فقبل وفاتو بسنة بعام 2012 أطلق مبادرة "أيها السوريون الطيبون اقتلونا جميعاً أو أوقفوا اقتتالكم" دعا فيها للذهاب لمدينة حمص مشان يصير مصالحة شعبية والوقوف بين المتخاصمين كدرع بشري لحماية المدنيين، وأنو يكون المشاركين من كل أطياف المجتمع السوري.
كل الرحمة ألك يا سوري يا أصيل.
ليست هناك تعليقات:
إرسال تعليق