أكتر من 100 سنة الشعب السوري يعلم لمن ينتمي
كل السوريين من العقبة إلى حلب اختاروا سوريا وطناً لهم
بعد الحرب العالمية الاولى، اتفق الفرنسيين والإنكليز على اقتسام الأراضي السورية، واللي نتجت عن هاد الاتفاق اتفاقية سايكس بيكو الشهيرة، بس أمريكا بهداك الوقت كقوة عالمية جديدة حاولت تحط العصي بالعجلات لمحاولة اثبات نقسها وقررت تعرف رأي الشعب.
لجنة كينغ - كراين (بالإنجليزية: King-Crane Commission) هي لجنة تحقيق عيّنها الرئيس الأمريكي وودرو ويلسون خلال انعقاد مؤتمر الصلح في باريس عام 1919 مشان يشوفو آراء السوريين ببلدهن المستقبلي.
اختار ولسون لرئاسة هي اللجنة هنري كينغ، رئيس كلية أوبرلين بولاية أوهايو، وتشارلز كراين، وهو رجل أعمال بارز من شيكاغو، وبعد ما طافت هي اللجنة بمختلف المدن السورية والفلسطينية بين 10 حزيران و21 تموز حطت تقرير أعلنت فيه أنو الأكثرية المطلقة بتطالب بدولة سورية مستقلة استقلال كامل.
صور لجنة كينغ - كراين
من البديهي أنو السوريين على كامل أرض سوريا الطبيعية (سوريا والاردن وفلسطين ولبنان) اختارو يكونو بدولة وحدة اسمها سوريا.
والسوريين بهداك الوقت ما اعتبرو حالهن عرب ولا شافو أنو لازم يكونو تحت حكم عربي أو تابعين لدولة في الحجاز ولا حتى اختارو انتمائهن الديني أو الطائفي ليكون أساس لكيان مستقل، وطبعاً رفضو فكرة إنشاء وطن قومي لليهود بفلسطين.
السوريين لحالهن عرفو حدود بلدهن و اختارو سوريا التاريخية بحدودها التاريخية بغض النظر عن اي نظريات او احلام عند البعض حاليا، وبوقتها الإنكليز والفرنسيين ما اكترثو لنتائج اللجنة وتجاهلوها بشكل كامل، وكان بعدها بداية الانتدابات بالمنطقة.
للتوضيح فحسب التقرير شمال اللواء اختار تركيا أما جنوبه اختار سوريا ومن بين المدن اللي اختارت تكون جزء من الكيان السوري السويدية والريحانية وأنطاكيا عاصمة اللواء.
ليست هناك تعليقات:
إرسال تعليق