يونوس الثائر ملك صقيلية السوري
السوري يرفض الظلم والاستعباد أينما حل
أثناء الحكم الروماني لجزيرة صقلية، عبد سوري اسمو يونو (ويعني بالسريانية حمامة وانضاف للاسم حرف السين اليوناني فصار يونوس) عمل ثورة ضد الامبراطورية وانعرفت باسم ثورة يونوس.
يونو ما بقى يقدر يتحمل الظلم الروماني وحياة الاسر والعبودية، فتواصل مع العبيد بالجزيرة وعددهن تقريبا الفين شخص، بعدها حقق يونو نجاح عسكري عالقوات الرومانية و كسب تأييد العبيد والأسرى من الاثنيات التانية فوصل عدد مقاتليه لل 20 الف مقاتل
هاد الشي شجعو أنو يعلن حالو ملك على جزيرة صقلية وتسمت مملكتو بـ "مملكة السوريون" بين أعوام (132 – 135) قبل الميلاد.
ضل يقاوم ويحكم الجزيرة لوقت ما بعتت روما قوات عسكرية ضخمة قضت على يونو وثورتو متل ما قضت بعدين على ممالك السوريين بالوطن و أهمهن على الاطلاق مملكة الرها يللي تهدمت بالقرن الثالث للميلاد.
يونو من مواليد مدينة افاميا
التمثال في الصورة من صقلية (قصر لومبارديا بمدينة إنا).
ليست هناك تعليقات:
إرسال تعليق