رماة من حماة في بريطانيا
شهرة المحاربين السوريين القدماء في الرماية
كان السوريين من أشهر شعوب العالم القديم بالرماية، وروما كانت تستعمل وحدات حربية من ولاياتها المختلفة بس كانت سوريا المكان المفضل لوحدات الرماية، وتدمر كانت كتير مشهورة بس حماه هي اللي اجا منها اشرس كتيبة.
لما كانت سوريا جزء من الامبراطورية الرومانية بسنة 120 تم تشكيل كتيبة حموية من رماة السهام الهاميين كان عددها 500 شخص واسمها "Cohors Prima Hamiorum Sagittaria" وتم ارسالها لشمال بريطانيا ونشرها على سور هاردين في ماجنيس بداية من عام 120 وتم اعادة تسمية الوحدة لـ "Numerus Syrorum Saggitariorum" واستمرت الكتيبة كمؤسسة ثابتة بالجيش الروماني واعضائها حصراً من حماه ولمدة 200 سنة.
صورة تخيلية من الذكاء الاصطناعي لفرقة الرماية الحموية في بريطانيا
تم نقل وحدة الحامية لحصن بار هيل على سور أنطونيوس في اسكتلندا بالفترة من 142 إلى 157، بعدها رجعت لماجنيس في الفترة من 163 إلى 166.
خلال فترة حكم ماركوس أوريليوس المبكرة من المحتمل تمركزو كمان في هاوسستيدز، لأنو هنيك التقى شاهد قبر لرامي من الفرقة.
أثبات وجود الكتيبة في بريطانيا ما كان بس بالآثار كان كمان من خلال الشهادات العسكرية، اللي التقت في ستانينجتون عام 122 ورافينجلاس عام 124، بالإضافة للاكتشافات في كاتريك.
كان بيقدر أعضاء هي الكتيبة ياخدو الجنسية الرومانية وهي كانت طريقة لتشجيع الرومان للحموية بهي للانضمام للكتيبة.
تم اكتشاف عدة شواهد قبور لاعضاء الكتيبة الحموية ومعروضين بمتحف غريت نورث Great North Museum.
ليست هناك تعليقات:
إرسال تعليق