البحر السوري الاسم التاريخي لشرق المتوسط
البحر السوري هو البحر بين قبرص وساحل سوريا الطبيعية منذ ألفي عام
تسمية "البحر السوري" (Mare Syriacum) هي وحدة من أقدم التسميات التاريخية والخصائص الجغرافية التي تسمى فيها الحوض الشرقي للبحر الأبيض المتوسط بالخرائط والمخطوطات القديمة، وتحديداً المساحة الممتدة بين الساحل المشرقي (بلاد الشام) وجزيرة قبرص يعني كامل الساحل الشرقي للمتوسط من خليج إسكندرون بالشمال حتى غزة بالجنوب.
باللاتيني سموه الرومان Mare Syriacum والمؤرخ الشهير كلوديوس بطليموس (سنة ال100) بيقول إنو البحر السوري هو البحر يللي بمحاذاة سواحل فينيقيا.
بمعظم الوثائق القديمة اسمو البحر السوري وهالشي واضح بخريطة رسمها Jacob Ziegler بال 1513 وسماه البحر السوري وهو بكون عالم جغرافيا رحالة ورسام خرائط ألماني درس لفترة في فيينا.
 |
| خريطة Jacob Ziegler |
وحتى سنة 1706 كان اسمو البحر السوري عند الجغرافي الانكليزي Edward Wells.
هاد الشي مدعوم بالمصادر الاكاديمية المحايدة، وتأكيد على أنو اسم سوريا مو اسم جديد متل ما عم يحاول يتدعي البعض إنو هو اسم وليد سايكس بيكو، وتأكيد على إنو الساحل السوري هو مو اللاذقية وطرطوس وبس، والشي المهم أنو التسمية ما كانت من السوريين.
تحول الاسم بالمصنفات الجغرافية العربية (متل مؤلفات ابن خرداذبة، والإصطخري، والمسعودي) لـ "بحر الشام" أو "البحر الشامي".
لليوم لسا مصطلح "الحوض الشامي" أو "البحر الشامي" (Levantine Sea) مستخدم بعلم المحيطات والجغرافيا الحديثة للإشارة لهاد الجزء الأقصى من شرق المتوسط.
ليست هناك تعليقات:
إرسال تعليق