قلعة حلب أكبر قلاع العالم
قامت على تلة بدء استخدمها قبل 5 آلاف عام
احتل قلعة حلب من زمان الإغريق والبيزنطيين والمماليك والأيوبيين، وبفضل معبد الإله حدد انكشف أنو تاريخها بعود للألف التالت قبل الميلاد وقت أنشار الها بالنصوص المسمارية في إبلا وماري. وبعد انحسار الدولة السور-حيثية تركزت في حلب. وكمان سيطر الآشوريين على المنطقة في فترة امتدت بين القرن التامن قبل الميلاد للقرن الرابع قبل الميلاد، وقت سيطرت الإمبراطورية البابلية الحديثة عليها واجا بعدهن الفرس بين (539-333) قبل الميلاد.
وصلت القلعة لذروة أهميتا في فترة التواجد الصليبي في الشرق الأدنى. وقتها قدر الأمير عماد الدين زنكي، ومن بعدو ابنو نور الدين زنكي (1147-1174) م، من توحيد حلب ودمشق بنجاح، وقتها وقفو الصليبيين من اعتداءاتهن المتكررة على المدن.
انسجن كتير من المشاهير الصليبيين في قلعة حلب، منهن جوسلين التاني كونت الرها اللي توفى هنيك، وكمان أرناط (بالفرنسي: رينالد دو شاتيون)، وملك القدس بلدوين التاني اللي انحجز سنتين فيها. رجع أعاد نور الدين زنكي بناء أسوار مدينة حلب والقلعة. وادخل كتير تحسينات على القلعة متل الارتفاع وجدران الطوب بالمدخل المايل والقصر الملكي.وكمان غير الترميم رجع بنى الجامعين اللي جوا القلعة وتبرع بتفصيل محراب مسجد إبراهيم الخشبي اللي اختفى بفترة الانتداب الفرنسي.
شكل البناء الحالي هو الأقرب للعصر الأيوبي، والقلعة أدرجتها اليونسكو عام 1986 على لائحة التراث العالمي.
بقيت تستخدم القلعة كحصن عسكري، بس بالعصر العثماني وبسبب توسع مدينة حلب الكبير خارج الأسوار قلت أهمية القلعة الدفاعية وتحولت لثكنة عسكرية، وضل التواجد العسكري فيها وقت فترة الانتداب الفرنسي، ورجع استخدما عسكرياً خلال الحرب الأخيرة وتحديداً عام 2012 من طرف الجيش السوري.
بتضم القلعة مدرج بتسع ل 3000 شخص انبنى عام 1980 وبرجح الباحثين أنو في أثار رومانية تحت المدرج الحديث، وبتضم القلعة كمان قصر بعود للعصر الأيوبي وحمام وعرش ملكي، وبتضم كمان جامعين زغير وكبير وبتضم كمان كم برج.
ليست هناك تعليقات:
إرسال تعليق