الفيل السوري .. كان آلة حرب مرعبة
الفيل السوري تفاخر بصيده فرعون مصر واستورده القائد العسكري هانيبعل لإيطاليا
الفيل السوري اسمو العلمي Elephas maximus asurus ومعروف باسم الفيل السوري واللي هو واحد من سلالة الفيل الآسيوي المنقرضة اليوم وهي السلالة هي أكتر السلالات المنتشرة بجهة الغرب وأكبرها وكان يصل ارتفاعها لـ 3.5 متر واستوطنت بالمنطقة من إيران لسوريا.
كان الآراميين يعملو أثاث بيوتهن من الخشب المطعم بعاج الفيل السوري وهاد من أسباب أنقراض الفيل بعد زيادة الطلب عليه للاستفادة من العاج، بس النصوص بتشير أنو السبب الرئيسي لانقراض الفيل السوري كان الغزو الآشوري لسوريا الطبيعية اللي قضى على اللي تبقى منها، وفي رويات بتحكي عن تفاخر الملك الآشوري آشورنصربال بقتل الفيلة والأسود.
انقرض الفيل السوري تماماً بال 100 قبل الميلاد واكتشفت عظامو بقصور قطنا وتفاخرو الفراعنة بصيدو بس أقدم ذكر ألو كان بالنصوص اللي بتحكي عن تجارة العاج في شمال سوريا.
جمجمة الفيل السوري من بحيرة جافور جنوب تركيا
لما هانيبعل القائد القرطاجي توجه لحصار روما اخد معو فرق من الفيلة الشمال افريقية بس الفيل الشخصي تبعو كان فيل سوري اسمو Surus وكان اكبر من الفيلة القرطاجية العادية، ومن هون اجت التسمية العلمية للفيل Asurus.
وصفو المؤرخ الروماني Cato the Elder انو كان أكبر فيل بشوفو وكان الو ناب واحد وحسب المؤرخ Plautus فسوروس كان يلبس درع احمر وهودج عملاق مجهز لهانيبعل.
ليست هناك تعليقات:
إرسال تعليق