حسني الزعيم صاحب الانقلاب العسكري الأول
حسني الزعيم هو أول رئيس سوري خارج الطبقة الاستقراطية
اجا بانقلاب وراح بانقلاب، حكم تقريباً 4 أشهر بس، ورغم هيك فترة حكمو تعتبر علامة فارقة بتاريخ سوريا.
انقلابه كان بآذار 1949 وكان فاتحة 20 انقلاب صار بعده.
رغم أنو وصل بانقلاب بس شعبيته كانت كبيرة كتير ونجح بالانتخابات اللي صارت بعد الانقلاب، والتأييد كان من معظم طبقة السياسة اللي قبله، نتيجة لسلسلة الأزمات السياسية والركود الاقتصادي، وفقدان الثقة بالنظام بعد خسارة حرب 1948 مع اسرائيل.
شعبيته تبخرت بسرعة بعد ما تفرد بالسلطة، وأبعد كل معارض ألو، وبسبب تسليمه الزعيم أنطون سعادة مع أنو كان مؤيد لفكر الحزب السوري القومي الاجتماعي بالبداية، وانقلب على مشروع سوريا الكبرى بعد تحالفو مع السعودية وإقراره لاتفاق الهدنة مع إسرائيل زاد الطين بلة ومهدت لانقلاب الحناوي.
بفترة حكمو تم منح المرأة حق التصويت، وانحط قانون الأحوال الشخصية.
اعتبر الزعيم حالو زعيماً كنابليون وأتاتورك وهتلر، وقال عن حالو بعدين أنو هو "ملك سوريا" لهيك انوصف بالديكتاتور، ووصفو خالد العظم بالمتهور والطائش، وكان عندو وسواس باللبس، وانشهر بمقولتو: "أتمنى أن أحكم الشام يوماً واحدًا ثم أقتل".
انحكم الزعيم قدام المجلس الأعلى للحرب محاكمة عسكرية عاجلة وأندان بتهمة الخيانة العظمى وانعدم ب 14 آب 1949 مع رئيس الوزراء تبعو محسن البرازي رمياً بالرصاص، حسب الرواية الرسمية.
انحكم الزعيم قدام المجلس الأعلى للحرب محاكمة عسكرية عاجلة وأندان بتهمة الخيانة العظمى وانعدم ب 14 آب 1949 مع رئيس الوزراء تبعو محسن البرازي رمياً بالرصاص، حسب الرواية الرسمية.
ليست هناك تعليقات:
إرسال تعليق