أصل تسمية ادلب آرامي
أصل تسمية مدينة ادلب آرامي والاسم مركب من كلمتين
إدلب مدينة شمال سوريا ومركز محافظة ادلب، وهي من أغنى مناطق سوريا بالآثار القديمة.
اسمها هو اسم مركب متل ما هو بالآرامية مؤلف من (أدد) وهو الآلهة المشتركة عند الآراميين، وهو نفسو الإله (هدد) إله العاصفة والرعد. والشق التاني من الكلمة هو (لب) ويعني بالآرامية والسريانية (لب الشي أو قلب الشي أو مركزو) والكلمة بمجملها (إدلب) تعني (مركز أدد) أو مكان عبادة الإله (أدد).
المرجح أنو كان في هنيك معبد وثني مخصص لهاد الإله في منطقة إدلب ومن المعتقد أنو هاد المعبد الوثني هو مكان الجامع العمري أو وراه - اللي انهدم - اللي هو كان معبد وثني.
وقت انتشار الدين المسيحي بالمنطقة تحول هاد المعبد الوثني لدير، ومن بعدو لمجمع ديري مسيحي، ومن المعتقد أنو هو (دير دلبين) اللي ذكرو تشالينكو من خلال رسائل الأديرة المينوفيزية سنة (567 م) مع قادتهن في القسطنطينة، ومن بعدها تحول هاد الدير مع الدخول العربي الإسلامي إلجامع واتسمى بالجامع العمري نسبة لعمر بن الخطاب وهاد هو وضعو متل معظم الجوامع بالمحافظة اللي أنعملت لما دخل المسلمين وهاد هو حال تقريباً أكتر أمكنة العبادة في سوريا في تحولا من معابد وثنية لمعابد مسيحية وبعدها لمساجد في العهد الإسلامي، متل : الجامع الأموي في دمشق، والجامع الأموي في حلب.
ليست هناك تعليقات:
إرسال تعليق