جيش سوريا للسوريين
في سابقة تاريخية خطيرة جيش سوريا الوطني ضباطه أجانب
بعد اسقاط النظام الأسدي في 8 كانون الأول 2024 وهيمنة أحمد الشرع (الجولاني) على السلطة في سوريا عمل عدة تعينات أثارت حفيظة شريحة واسعة من المجتمع السوري، تميزت هي التعينات أنها ما اشركت أي تيار بالسلطة حتى المعارض منها.
يمكن كل التعينات اللي صارت والأسماء اللي سمعناها نختلف عليها وممكن نتفق عليها كسوريين، بس التعينات اللي عم تصير في جيش سوريا الوطني هي سابقة خطيرة ما حصلت في أي جيش وطني بالعصر الحديث، فتداول بعض المصادر أسماء أجنبية في الجيش السوري الوطني وهي الأسماء من القادة في المجموعات الجهادية اللي حاربت بسوريا.
ممكن نتفق على اسم ضابط سوري وممكن نختلف عليه بس وجود اسم غير سوري في الجيش الوطني السوري هو سابقة خطيرة بتهدد كيان الدولة السورية وبتخليها رهان لمزاج جهاديين وتحت رحمة إيديولوجية غير وطنية تكفيرية.
أردني ومصري وتركي وطاجكي وألباني وتركستاني صيني بالإضافة لجنسيات تانية محتملة بتشكل عماد الجيش السوري الجديد.
من الأسماء اللي أشارت الها تقارير:
برتبة عميد في الجيش السوري العميد عبد العزيز داوود خدابردي (أبو محمد تركستان) وهو بنحدر من الأقلية التركستانية في الصين وقيادي في هيئة تحرير الشام.
برتبة عميد في الجيش السوري العميد عبد العزيز داوود خدابردي (أبو محمد تركستان) وهو بنحدر من الأقلية التركستانية في الصين وقيادي في هيئة تحرير الشام.
وبرتبة عميد عبد الرحمن حسين الخطيب (أبو حسين الأردني) أردني الجنسية وهو قيادي عسكري في هيئة تحرير الشام.
برتبة عميد عمر محمد جفتشي (مختار التركي) تركي الجنسية وهو قيادي عسكري في هيئة تحرير الشام.
برتبة عقيد عبدل صمريز بشاري (أبو قتادة الألباني) ألباني الجنسية وهو قيادي عسكري في هيئة تحرير الشام.
برتبة عقيد مولان ترسون عبد الصمد بنحدر من طاجيكستان وهو قيادي في هيئة تحرير الشام.
برتبة عقيد علاء محمد عبد الباقي مصري الجنسية وهو قيادي في هيئة تحرير الشام.
بالإضافة لسيف الدين مأمور محمد تاجيلي أجنبي ما قدرنا نتأكد من جنسيته.
هي التعينات لازم ترفضها التيارات الإسلامية السورية قبل التيارات العلمانية والمدنية، الجيش في أي دولة هو واحد من أهم المؤسسات فيها، والطابع الوطني هو اللي لازم يتسم فيه، وقبول وجود جنسيات أجنبية بغض النظر حتى عن أفكارها الجهادية هو خيانة لسوريا.
إذا السيد أحمد الشرع مو قدران يثق بأولاد بلده فهي مشكلته، سوريا للسوريين بس، وجيش سوريا للسوريين بس، وهاد الموضوع ما ممكن قبوله تحت أي اعتبار لا مؤقت ولا غير مؤقت.
المصادر ؟
ردحذفالموضوع صار اكتر من مسخرة.. خلصنا من طاغية طلعلنا ١٠ اضرب منو.. اش هالقدر الحزين؟
ردحذف