دمشق ما بين تخطيط ايكوشار وتخطيط البعث
مخطط ايكوشار دمر مباني تاريخية في حين زاد فساد البعث الوضع سوءاً
لما اجا الانتداب الفرنسي حاول بفرض ثقافتو على السوريين بكل المجالات، ووحدة من هي المجالات كانت تخطيط المهندس ميشال ايكوشار اللي حاول هدم مدينة دمشق القديمة ومحي ذاكرتها، وتم اقرار مشروعو عام 1937 واعتمد المخطط على الشوارع اللي بتوصل بساحات دائرية كبيرة.
ضم المخطط أحياء جديدة للمدينة منها حي المزة، ونفذ منو بعد الاستقلال عام 1947 وتم التنفيذ على أساسو بس تم تعديل مخطط كادستمرائي في المرة التانية عام 1964-1968 وتم اخد في عين الاعتبار توسع مدينة دمشق فقط لسنة 1984 وتم اعتماد المباني الطابقية بطراز الفرنسي.
هاد المشروع تسبب بهدم كتير من البيوت الدمشقية طبعا لأنو هو ازال كتير من الابنية ابتداء من حي الميدان والشاغور البراني والقنوات وغيرهن من الاحياء بالاضافة انو هدم مباني مهمة كتير بالنسبة للسوريين متل مبنى البلدية الي تم من خلالو اعلان استقلال سوريا عن الدولة العثمانية ومبنى البريد وفندق فكتوريا الي شيد لاستقبال الملكة فكتوريا وجامع يلبغا الاثري الي رجعو عادو بناء جامع يلبغا جديد على انقاض الجامع القديم الي كان من بعد جامع الاموي من حيث الاهمية، وهاد غير هدم مباني اثرية امام جامع الاموي الي كان من الممكن ترميمها ، وبنقال عن بعض دكاترة جامعة دمشق فرع الهندسة المعمارية انو في طريق بمر من نص سوق الحمدية لجامع الاموي طبعا هاد الشي يعني مسح سوق الحميدية.
عند استلام حزب البعث ما حاولو ابدا تصحيح هاد التخطيط بل على العكس انشأ بوقت سيطرتو العشوائيات وبالإضافة الى عدم اهتمامهن بالمباني الاثرية وطبعا مافي داعي لذكر طول مدة انشاء المشاريع متل المبنى يلبغا الي صار اثار وهو بعدو على العضم ومتل مترو دمشق الي ضل لليوم عل المخطاطات والي صرلو اكتر من ٢٠ سنة عبيندرس وحاليا مشروع ضخم جديد والي هو وردة مسار بدمشق والي طلع فيو اخطاء من بعد ما طلعو وفحصو أساساتو.
عند استلام حزب البعث ما حاولو ابدا تصحيح هاد التخطيط بل على العكس انشأ بوقت سيطرتو العشوائيات وبالإضافة الى عدم اهتمامهن بالمباني الاثرية وطبعا مافي داعي لذكر طول مدة انشاء المشاريع متل المبنى يلبغا الي صار اثار وهو بعدو على العضم ومتل مترو دمشق الي ضل لليوم عل المخطاطات والي صرلو اكتر من ٢٠ سنة عبيندرس وحاليا مشروع ضخم جديد والي هو وردة مسار بدمشق والي طلع فيو اخطاء من بعد ما طلعو وفحصو أساساتو.
طبعا مخطط كادسترائي لهلأ عم يشتغلو من خلالو ومو معروف لايمت ممكن يتم انشاء مدينة متل مدينة دمشق اللي بالمخطط الاستعماري واللي كان هدفو تخريب عاصمة سوريا التاريخية أقدم عاصمة بالتاريخ.
المصادر:
(4) مقال للكاتب شمس الدين العجلاني
ليست هناك تعليقات:
إرسال تعليق