وزير الأوقاف السوري يهاجم الأمة السورية
وزير الأوقاف عبد الستار السيد يتسآل: شو هي الأمة السورية؟
وزير الأوقاف عبد الستار السيد ومن على منبر جامع من جوامع مدينة طرطوس خصص خطبة كاملة لمهاجمة الأمة السورية!
قال بالخطبة اللي صارت يوم الجمعة 4 كانون الأول عام 2020 : "أن في دول منطقتنا عقيدتان أساسيتان هما العروبة والإسلام وكل ما عداهما متفرق أو ضئيل"
خطاب عنصري مقيت وكأنو من زعيم لتنظيم القاعدة أو حركة جهادية بأسلوب إلغائي لأي فكر تاني وعقيدة غير اللي متبنيتها الدولة.
أضاف السيد: "إن بعض المثقفين يستهدفون الإسلام والعروبة ويقولون بوجود الأمة السورية" وتساءل: "شو هي الأمة السورية؟ هل سمعتم بالأمة السورية؟".
عبد الستار السيد ما بيعرف الأمة السورية ومو سمعان فيها ومعتقد أنو الشعب لازم يكون متلو، وطبعاً الخلط بين القومية والدين شرط مشان يقدر يأثر على العامة المتدينة، فبعد كلمة اسلام لازم تجي كلمة العروبة، ومحاربة العروبة عند رجال البعث هو محاربة للإسلام، طبعا بس للاستخدام الاعلامي واللعب على العاطفة الدينية عند الأغلبية المسلمة.
وقال السيد كمان أنو العروبة والاسلام ما ممكن الفصل بيناتهن! يعني رجال البعث مو شايفين من قبل بلد مسلم مو عربي؟ وأنو تكون مسلم وغير عربي ما بأثر على إيمانك حتى الحديث النبوي بقول: "لا فرق بين عربي ولا أعجمي ولا أبيض ولا أسود إلا بالتقوى".
وأكيد كمان أضاف الثلاثية الشهيرة تبعيت أنو أنصار فكر الأمة السورية عبهاجمو اللغة العربية والإسلام والعروبة.
الكلام الاستفزازي والجاهل اللي حكى فيه الوزير سبب تنديدات وتعليقات كتيرة منها تنديد من الحزب السوري القومي الاجتماعي ووزيرة الاقتصاد السابقة لمياء عاصي اللي قالت: "لكل داء دواء يستطب به إلا الحماقة أعيت من يداويها، بمناسبة سؤال شو هي الأمة السورية وعبد الستار خطيب الجمعة في طرطوس".
وزير سوري ما بيعرف الأمة السورية ولا سمعان فيها وهو وزير بالحكومة من اكتر من 13 سنة!
نظام جاهل بمثلو جهلاء بتنتج فكر جاهل وخطاب جاهل ما ممكن نتوقع خطابات وتساؤلات غير هيك.
تحيا سوريا دائما وأبدا ... تحيا الأمة السورية
ليست هناك تعليقات:
إرسال تعليق