فيروز سوريا سفيرتنا إلى النجوم
الماردينية البيروتية صوت اتفق عليه الجميع ووحد الأمة
نهاد حداد، ملاك المشرق بنت ماردين وبيروت يللي اسمها الفني فيروز، اجا ابوها وديع حداد من ماردين السورية المغتصبة بعد مدابح ال 1915 و لاقى نفسو ببيروت وتعرف على أمها، وأهدو المشرق والعالم صوت ملائكي اسمو فيروز.
فيروز هي واحدة من أعظم الفنانين بالعالم بدون أي مبالغة وتعتبر من أكتر فناني المشرق شهرة، ونالت جوائز وأوسمة عالمية منها:
فارس وسام الشرف ووسام الأرز ووسام الاستحقاق وهي أعلى أوسمة في لبنان
أصدرت سوريا طوابع بريدية عليها صورتها تكريماً الها عام 1967
أصدرت سوريا طوابع بريدية عليها صورتها تكريماً الها عام 1967
ميدالية الكرامة ووسام النهضة الأردني من الملك حسين ملك الأردن عام 1963
وسام الاستحقاق من الدرجة الأولى من الرئيس السوري نور الدين الأتاسي عام 1967
نالت أعلى وسام في تاريخ الأردن عام 1998
نالت أعلى وسام في تاريخ الأردن عام 1998
فارس وسام جوقة الشرف الفرنسي وهو أعلى وسام فرنسا منحو الرئيس الفرنسي جاك شيراك عام 1998
بالاضافة لكتير جوائز ومفاتيح مدن رمزية منهن مدينة القدس الصادر عن لجنة ثقافية ومفتاح مدينة لاس فيغاس الأمريكية
بالاضافة لكتير جوائز ومفاتيح مدن رمزية منهن مدينة القدس الصادر عن لجنة ثقافية ومفتاح مدينة لاس فيغاس الأمريكية
حفلتها في بصرى الشام:
26 حزيران 1985 يعني قبل 35 سنة تقريبا، احيت فيروز حفل غنائي الها بمدينة بصرى الشام بدرعا، المدينة اللي كان عدد سكانها بوقتها ما بيتجاوز 10 الاف نسمة.
استقبلت اكتر من 100 الف زائر اجو من كل المحافظات وخيمو بالطرقات قبل الحفلة بكم يوم.
ويقال انو محافظ درعا أمر بتسكير كل مداخل المدينة لأنو مابقى تسع، فصارت الناس تتعمشق عالقطارات اللي بتمرق ببصرى ليقدرو يفوتو.
مدرج بصرى التاريخي اللي بالعادة بيساع 15 الف شخص، قدر يستوعب 30 الف شخص يومها، بوقت 80 الف شخص نطرو ليسمعو فيروز من برا المدرج، الحفل أتاخر ساعتين لقدرت الفرقة الموسيقية تمرق بين الالاف الناس، 100 الف بني آدم سكتو بنفس اللحظة اللي فاتت فيها فيروز وبلشت حفلتها بغصة ..... وبهالجملة ...
"كل الذين احبهم نهبوا رقادي واستراحوا ....فأنا هنا جرح الهوى وهـــناك في وطني جراح .."
شآم يا ذا السيف لم يغب .....يا كلام المجد في الكتب.
"كل الذين احبهم نهبوا رقادي واستراحوا ....فأنا هنا جرح الهوى وهـــناك في وطني جراح .."
شآم يا ذا السيف لم يغب .....يا كلام المجد في الكتب.
فيروز هي أعظم فنانة قدمتها الأمة السورية العمر الطويل يا فيروزنا ...
المصادر:
ليست هناك تعليقات:
إرسال تعليق