ابن النفيس مكتشف الدورة الدموية
أعظم فيزيولوجيي العصور الوسطى سوري من دمشق
أبو الحسن علاء الدين علي بن أبي الحزم القَرشي الدمشقي والملقب بابن النفيس.
العروبيين فوراً نسبوه لقبيلة قريش، بس لو انتبهو شوي كان شافو أنو القَرشي غير القريشي، والقرشي هو نسبو لضيعة جنب دمشق اسمها القَرش.
ولد في دمشق عام 1213 م وضلو الغرب يعتمدو على نظريتو حول الدورة الدموية حتى اكتشف وليام هارفي الدورة الدموية الكبرى.
قبل اكتشاف ابن النفيس كان الرأي حول الدورة الدموية هو أنو الدم بتولد في الكبد ومنو بنتقل للبطين الأيمن بالقلب بعدها لليسري ومنو للعروق ولباقي انحاء الجسم، بس ابن النفيس قال أنو الدم بتنقى في الرئتين من شان تستمر الحياة ويكتسب الجسم القدرة على العمل، بالتالي فالدم بخرج من البطين الأيمن للرئتين وهنيك بمتزج بالهواء، وبعدها بروح للبطين الأيسر.
من أبرز المؤلفات الطبية اللي تركها ابن النفيس كانت:
الشامل في الصناعات الطبية وهي أضخم موسوعة طبية كتبها شخص واحد في التاريخ الإنساني، كتاب الموجز في الطب، شرح فصول ابقراط موجود في مكتبات برلين وجوتا واكسفورد ومكتبة الاسكوريال وفي نسخة في آيا صوفيا باسطنبول، وكتاب المهذب في الكحل وموجود في مكتبة الفاتيكان، والو كتب كتيرة تانية حتى بمجالات غير الطب، عاش قسم كبير بحياتو بمصر وفيها تعين رئيس أطباء مصر وتوفي فيها عام 1288.
ابن النفيس متلو متل كتيرين من العلماء السوريين اللي كانو ناطقين باللغة العربية لهيك بتم نسبهن بأغلب المصادر العربية والغربية للعرب وبتم اعتبارهن عرب بدون وجود أي دليل وبكتفو بأنو أبحاثو كانت بالعربي، وهاد بشابه وضع العلماء السوريين اللي كانو يكتبو باليوناني بالعصور الأقدم وبالتالي كان بتم نسبهن للأغريق والرومان.
المصادر:
1- دائرة المعارف الإسلامية مادة Ibn al-Nafis
ليست هناك تعليقات:
إرسال تعليق