أورنينا السورية أول مغنية في التاريخ
مغنية معبد عشتار في ماري هي أول مغنية وكان في عام 2645 قبل الميلاد
أورنينا أو أور نانشي هي مغنية وموسيقية في معبد عشتار في مملكة ماري السورية، علماء الآثار بعتقدو أنو أول من غنى في التاريخ أو على الأقل هي أقدم مغنية قدر يوثقها التاريخ وكان هاد تقريباً في عام 2645 قبل الميلاد.
ويعتبر تمثال أورنينا المحفوظ في المتحف الوطني بدمشق من روائع فنون الشرق القديم. وفي على ظهرها كتابة مسمارية تتضمن اسمها "أورنينا".
ويصور التمثال أورنينا وهي لابسة رداء وجالسة القرفصاء وتستريح على مخدة منخفضة مستديرة بيعتقد العلماء أنها بتعزف على آلة موسيقية.
وتم نحت جسم التمثال بعناية حيث بتظهر تفاصيل الوجه بوضوح وبتكشف عن لمسة فنية رقيقة وشعر متموج بخيوط طويلة بتنتهي بعقد لورا وتم تنزيل العينين بالصدف واللازورد.
تم إنشاء فرقة سورية للمسرح الراقص باسم أورنينا عام 1993، وأنشأت جائزة أورنينا وهي جائزة بتنعطى في مهرجان الأغنية السورية اللي يصير بشكل دوري في مدينة حلب، وبمثل نسخة من التمثال الأثري لأورنينا وبتنعطى جائزة أورنينا للأعمال المتميزة في المهرجان.
مغنية المعبد في سوريا ما كانت امرأة رخيصة بالعكس مغنية المعبد هي اللي بترتل للالهة و بتتغنى بالادعية والصلوات وما بترقص لمتعة الرجال. رغم أنو انوجد البغاء المقدس في بعض المجتمعات بالهند بس هاد الشي ما صار في ماري السورية وتحديدا محل ما كانت أورنينا (مملكة ماري).
مملكة ماري هي المملكة التانية اللي كان شعبها يحكي باللغة الايبلاوية وارشيف المملكة التانية الراجع لايبلول ايل معظمو مكتوب اما ايبلاوي او سومري، ورغم أنو ماري تأثرت كتير بالحضارات الرافيدية تحديداً السومرية والأكادية بس سكانها من الشعوب السورية وعلاقاتها التجارية والمنافسة الأساسية كانت مع إيبلا وكل اهتمامها بالغرب وهاد شي واضح برسالة انا-داغان الماري لاركب دمو الايبلاوي.
ليست هناك تعليقات:
إرسال تعليق