بسام حمشو مرعب الطائرات الإسرائيلية
الشهيد البطل بسام حمشو أحد حماة الديار الحقيقيين
التاريخ بحكيلنا عن حماة سوريا الحقيقيين واللي كانو بفدو سوريا بدمائهن، وكانو برعبو الخصوم على الرغم من نقص التجهيزات والفرق الكبير بالاستعدادت بين سوريا وأعدائها.
حماة الديار عليكم سلام... بسام حمشو بخليك تقولها بكامل الفخر
بسام حمشو ابن سوريا وتحديداً من مدينة حماة هو صاحب الرقم القياسي بعدد الطائرات الإسرائيلية اللي بسقطها طيار واحد (8 طائرات)
أول طيار سوري بسقط طائرة F4 فانتوم فوق مرتفعات الحرمون في 2 نيسان عام 1970.
كان واحد من طياري التشكيل السوري من نسورنا اللي اخترقو جدار الصوت فوق سماء حيفا قبل حرب 67 وقت طار على علو منخفض كتير كان رح يلامس فيه الهوائيات وهاد سبب أصوات كبيرة وقت تم اختراق جدار الصوت ورافقو كسر شبابيك المباني في حيفا، وكان من المشاركين في قصف مصفاة حيفا.
استشهد في سماء لبنان عام 1982 بعد ما دمر صاروخ اسرائيلي طيارتو
الشهيد الطيار بسام حمشو ما رح ننساه.
ليست هناك تعليقات:
إرسال تعليق