القبطانة فاتن الترجمان
القبطانة السورية فاتن الترجمان أول من تقود سفينة تجارية في الشرق الأوسط وشمال أفريقيا
المرأة السورية بكل زمان وبكل مكان قادرة تثبت حالها وقدراتها، وهاد بنطبق على القبطانة فاتن الترجمان بنت طرطوس اللي تحدت الرجال وسط البحار، وهي عبتقود باخرة تجارية بين الموانئ العالمية.
بمار إلياس التابعة لطرطوس ولدت فاتن الترجمان، وبعمر الأربعة سنين كانت ترافق أبوها القبطان للسفينة اللي كانت باسمها "فاتن" وتعودت على الابحار من وقتها.
كان عند فاتن رغبة من لما كانت زغيرة أنو تكون قبطانة متلها متل أبوها، وهاد الشي اللي مو كتير متعود عليه مجتمعنا بس ما أثر عليها، فدرست الملاحة بطرطوس وخضعت للتأهيل الأكاديمي بالمعهد العالي التخصصي في مصر ونالت شهادة ربان عام 1990 وقتها اشتغلت بالسفن التجارية لأكتر من 30 سنة من موانئ اللاذقية وطرطوس لموانئ البحر الأبيض المتوسط والبحر الأسود والخليج العربي والمحيط الهندي.
بمقابلاتها الصحفية كانت دائماً تشجع المرأة على مهمات كبيرة متل قيادة البواخر وأنو المرأة قادرة تتحمل هيك مسؤوليات متلها متل الرجال (مقابلة مع صحيفة الشرق الأوسط).
فاتن الترجمان مقيمة اليوم بدبي وفضلت عدم الزواج بسبب التزامها بمهنتها.
فاتن هي أول امرأة في العالم بتتولى مهمة مرشدة بحرية، بالإضافة إلى اختصاصها في قيادة البواخر هي أول أمرأة من منطقة الشرق الأوسط بتتولى هي المهمة.
ليست هناك تعليقات:
إرسال تعليق