الكنافة من دمشق للعالم
الكنافة أشهر أنواع الحلويات التي غزت مطابخ المشرق والمغرب
الكنافة وحدة من أشهى أنواع الحلويات السورية واللي الها شعبية بكتير من البلدان بسوريا الطبيعية ومصر وتركيا والجزائر واليونان ودول القوقاز ومو من السهل تتبع مصدرها بشكل دقيق، بس أغلب الخبراء بعتقدو أنو أصلها سوري.
أشهر أنواع الكنافة اليوم هي الكنافة النابلسية واللي برجع أصلها لمدينة نابلس في فلسطين، اللي بتنعمل من الجبن الأبيض وخاصة المشهور في نابلس الجبن النابلسي.
حسب القصص المروية والرويات فأول كنافة انعملت في دمشق بالقرن السابع ووقتها تم تحضيرها للخليفة الأموي الأول معاوبة بن أبي سفيان اللي كان يطلب من طباخيه دائما شي جديد ومميز خاصة وقت الإفطار برمضان.
انذكرت الكنافة بكتاب طبخ أندلسي برجع للقرن 13 بحمل عنوان "كتاب الطبيخ" وانشرح بالكتاب الوصفة وطريقة تحضير الكنافة، وهاد برجح أنو الكنافة بالفعل بترجع للعصر الأموي في دمشق وانتقلت للأندلس مع الأمويين اللي لجؤو للأندلس.
كلمة كنافة مُشتقة من الكلمة العربية كَنَف وتعني الإحاطة، أو الحماية والمأوى، يمكن السبب للإشارة لطبقة الجبن المحصورة بين طبقتين عجين.
رغم أنو الكنافة طلعت من دمشق بس عادة ما بتم الإشارة لنابلس اللي انشهرت فيها على نطاق واسع، وبتحتفظ بالرقم القياسي لأكبر صينية كنافة في العالم.
ليست هناك تعليقات:
إرسال تعليق