البروفسور السوري كفاح مقبل
البروفسور كفاح مقبل مؤلف 14 كتاب طبي عن السرطان
العبقرية السورية المقتولة بالبلد ما بتعرف حدود خارجها للأسف منها الدكتور كفاح مقبل اللي ولد في الجولان عام 1965 ودرس بمدارسها وقدر يجيب مجموع كامل بالبكالوريا اهلو هاد الشي لمنحة دراسة الطب في بريطانيا عام 1983.
حصل على بكلوريوس بالطب والجراحة من جامعة لندن عام 1990 وبعدها على زمالة كلية الجراحيين الملكية عام 1994، وبعام 2002 تم تعينو أستاذ فخري بمعهد برونل لعلم الوراثة والصيدلة الجيني للسرطان تقديراً للأبحاث اللي عملها بخصوص سرطان الثدي اللي الو فيه أكتر من 350 بحث علمي.
تخصص الدكتور بالفحص الجيني لسرطان الثدي و ركز اهتمامو على كشف الجينات يللي بتعمل سرطان الثدي وراثي وكان اول مين قدر يفهم العلاقة بين الجين SETD2 وسرطان الثدي.
بعام 2005 تم تعينو كقارئ في جراحة الثدي بجامعة سانت جورج بلندن تقديراً للمساهمات البحثية اللي عملها.
صنفتو مجلة "تاتلر" كأفضل جراح ثدي أعوام 2006، و2007، و2013، وبعام 2010 صنفتو مجلة التايمز كأهم اطباء بريطانيا وهو بشغل منصب كبير جراحي الثدي بمعهد لندن للثدي بمستشفى الأميرة غريس وعضو بهيئات تحرير عدة مجلات طبية.
ليست هناك تعليقات:
إرسال تعليق